स्थानीय जातका कुखुरा र हाँसका चल्ला आपूर्तिका लागि दरभाउ (कोटेशन) माग गर्ने सम्बन्धि सूचना

Ref no.: FN05/NPL 1083-22

विषयः स्थानीय जातका कुखुरा र हाँसका चल्ला आपूर्तिका लागि दरभाउ (कोटेशन) माग गर्ने सम्बन्धि सूचना ।

(दोस्रो पटक प्रकाशित मिति : २०८२/०८/०५)

उपरोक्त सम्बन्धमा यस ‘विकासका लागि ग्रामीण कल्याण तथा कृषि सुधार समूह (फरवार्ड नेपाल)’,‘कालिका स्वावलम्बन सामाजिक केन्द्र (KSSC Nepal)’, र वेल्टहन्गरहिल्फे (WHH) को संयुक्त साझेदारीमा सञ्चालित “सुधारिएको खाद्य प्रणाली र समान जीविकोपार्जनका अवसरहरू प्रवद्र्धनका लागि नागरिक समाज (NPL 1083-22)” परियोजनाका स्थानीय जातका कुखुराका चल्ला (घाँटी खुईले, साकिनि, कडकनाथ, न्यु ह्याम्पशायर, अष्ट्रालोर्प) र तराइका स्थानीय जातका हाँसका एक महिने चल्लाहरू खरीद गर्नुपर्ने भएकोले PAN/VAT मा दर्ता भएका ईच्छुक आपूर्तिकर्ता/बिक्रेताहरूबाट रीतपूर्वक कोटेशन आह्वान गरिन्छ । यो सूचना प्रकाशन भएको मितिले ०७ दिन भित्र अर्थात् मिति २०८२/०८/१२ गते तदानुसार २८ नोभेम्बर २०२५ बेलुका ३:०० बजेभित्र फरवार्ड नेपालको परियोजना कार्यालय कपिलवस्तु न.पा. ३, तौलिहवा वा केन्द्रीय कार्यालयमा कोटेशन पठाउनु हुन अनुरोध छ । कोटेशनको लागि आवश्यक फाराम तथा कोटेशन सम्बन्धि थप जानकारीका लागि मिति २०८२ मंसिर १२ गते (बेलुका २:०० बजे) भित्र फरवार्ड नेपालको परियोजना कार्यालय तौलिहवा वा संस्थाको info@forwardnepal.org मा ईमेलमा अनुरोध गरि माग गर्न सकिनेछ ।

कोटेशन निम्न शर्तहरू अनुसार पेश गर्नु पर्नेछ ।

• आपुर्तिकर्ताले स्थानीय जातका कुखुरा र हाँसका एक महिने चल्लाहरू के–कति दर/रेटमा दिन सकिन्छ सोको मूल्य/दरभाउ यसैसाथ संलग्न दरभाउ सूचीमा उल्लेख गरी खाम बन्दी गरी फरवार्ड नेपालको परियोजना कार्यालय वा केन्दीय कार्यालयमा पेश गर्नु पर्नेछ । 
• कोटेशनमा उल्लेखित कुनै कुरा स्पष्ट नभएमा शाखा कार्यालय कपिलवस्तु न.पा. ३, तौलिहवा वा केन्द्रीय कार्यालयमा सम्पर्क गर्न सकिने छ ।
• आपुर्तिकर्ताले कोटेशन पेश गरेको दरभाउ परिवर्तन गर्ने सम्बन्धमा कुनै सर्त राख्न पाइने छैन ।
• अधिकतम खुद्रा मुल्य भन्दा बढी मुल्य उल्लेख गर्ने आपुर्तिकर्ताहरू स्वतः अयोग्य हुनेछन् ।
• आपुर्तिकर्ताले फर्म दर्ता प्रमाणपत्र, PAN/VAT दर्ताको प्रमाणपत्र, आ.व. २०८१/८२ को कर चुक्ताको प्रमाणपत्र वा म्यादथपको फोटोकपि र फर्म सञ्चालन गर्न आवश्यक पर्ने अन्य कागजातहरूको फोटोकपि पनि कोटेशनसँगै संलग्न गरी पेश गर्नु पर्नेछ ।
• छनौट भएको आपुर्तिकर्ताले आपूर्ति गर्ने कुखुरा र हाँसका एक महिने चल्ला स्वस्थ नभएको पाइएमा खरिदकर्ताले सम्झौता रद्द गर्न सक्नेछ । 
• आपूर्तिकर्ताले आपूर्ति गर्ने कुखुरा तथा हाँसको खोप (vaccination) सम्बन्धी प्रतिवेदन भेटेरिनरी डाक्टरबाट प्रमाणीकरण गरी पेश गर्नु पर्नेछ।
• कुखुरा तथा हाँसको चल्लाहरू आपूर्तिकर्ताले परियोजना कार्यालय, तौलिहवासम्म ढुवानी गर्नुपर्ने छ । 
• कोटेशन स्वीकृत गर्ने वा नगर्ने सम्पूर्ण अधिकार यस फरवार्ड नेपालमा सुरक्षित रहनेछ ।

फरवार्ड नेपाल