सहायक पम्प अपरेटर

दलित जन कल्याण युवा क्लब (DJKYC)

रोजगारीको अवसर (VACANCY ANNOUNCEMENT)

प्रकाशित मिति: २०८३ भाद्र ३१ ( १६ सेप्टेम्वर २०२६)

आवेदन दिने अन्तिम मिति: २०८३ असोज ९ गते (२५ सेप्टेम्बर २०२६)

सहायक पम्प अपरेटर (Assistant Pump Operator) पदका लागि दरखास्त आह्वान

दलित जन कल्याण युवा क्लब (DJKYC) एक स्थानीय, गैरनाफामूलक तथा गैरराजनीतिक संस्था हो, जसले सन् २००० देखि महिला, बालबालिका तथा सीमान्तकृत समुदायहरूको सामाजिक तथा आर्थिक उत्थानका साथै खानेपानी, सरसफाइ र स्वच्छता (WASH) क्षेत्रमा निरन्तर कार्य गर्दै आएको छ।

वाटरएड नेपालको साझेदारी तथा लहान नगरपालिका र नेपाल खानेपानी संस्था (NWSC) को समन्वयमा लहान नगरपालिकामा सञ्चालित “द बिकन परियोजना (The Beacon Project: Municipality-wide Equitable WASH Services in Lahan)” अन्तर्गत खानेपानी तथा सरसफाइ सेवाको दिगो, समावेशी र पहुँचयोग्य व्यवस्थापनमा सहयोग पुर्‍याउने उद्देश्य राखिएको छ। परियोजनाका प्रमुख उद्देश्यहरू निम्नानुसार रहेका छन्:

1. सिराहा जिल्लाको जिल्लाव्यापी मोडेलअन्तर्गत लहान नगरपालिकामा नगरपालिका-व्यापी खानेपानी, सरसफाइ तथा स्वच्छता (WASH) सेवाको नमूना विकास गर्नु।
2. विशेषगरी विपन्न तथा सीमान्तकृत समुदायलाई लक्षित गरी नेपाल खानेपानी संस्था (NWSC) लहानको सेवा विस्तार र कार्यदक्षता अभिवृद्धिमा सहयोग पुर्‍याउनु।
3. लहानमा विकसित नगरपालिका-व्यापी सेवा मोडेललाई जिल्ला तथा राष्ट्रिय स्तरमा विस्तारयोग्य नमूनाको रूपमा प्रवर्द्धन गर्नु।

यस परियोजनाअन्तर्गत DJKYC ले NWSC लहानलाई प्राविधिक सहयोग प्रदान गर्दै आएको छ। हाल NWSC लहानको सेवा क्षेत्र वडा नं. १ देखि १० बाट विस्तार भई वडा नं. १३, १४, १६ र २४ सम्म पुगेको छ। विस्तारित क्षेत्रमा खानेपानी प्रणालीको प्रभावकारी सञ्चालन, नियमित मर्मतसम्भार तथा सेवा प्रवाहलाई थप सुदृढ बनाउन सहायक पम्प अपरेटर करार सेवामा कार्य गर्न इच्छुक, योग्य तथा सक्षम नेपाली नागरिकहरूबाट आवेदन आह्वान गरिएको छ।

पद सम्बन्धी विवरण

३. मुख्य भूमिका तथा जिम्मेवारीहरू

क) पम्प सञ्चालन

• तोकिएको कार्यविधि तथा मापदण्डअनुसार खानेपानी पम्प तथा सम्बन्धित उपकरणहरू सञ्चालन गर्ने।
• दैनिक पम्प सञ्चालन गतिविधिको अनुगमन गरी प्रभावकारी कार्यसम्पादन सुनिश्चित गर्ने।
• पम्प सञ्चालन समय, पानी उत्पादन तथा उपकरणहरूको कार्यसम्पादन सम्बन्धी विवरण अभिलेखीकरण गर्ने।
• सञ्चालन सम्बन्धी लगबुक तथा रेकर्ड नियमित रूपमा अद्यावधिक राख्ने।

ख) क्लोरिनेशन तथा पानीको गुणस्तर अनुगमन

• स्वीकृत कार्यविधि (SOP) अनुसार क्लोरिन घोल तयार गरी क्लोरिन डोजिङ युनिट सञ्चालन गर्ने।
• NWSC लहानको पानी गुणस्तर व्यवस्थापन योजनाअनुसार वितरण बिन्दु तथा उपभोक्ता तहमा क्लोरिनको मात्रा अनुगमन गर्ने।
• पानीको गुणस्तर सम्बन्धी देखिएका समस्याहरू सम्बन्धित सुपरिवेक्षकलाई तत्काल जानकारी गराउने।

ग) मर्मतसम्भार तथा मरम्मत

• पम्प, पाइपलाइन, भल्भ, मोटर तथा सम्बन्धित उपकरणहरूको नियमित निरीक्षण गर्ने।
• निर्धारित कार्यतालिका अनुसार निवारक मर्मतसम्भार (Preventive Maintenance) कार्य सम्पन्न गर्ने।
• सामान्य यान्त्रिक तथा विद्युतीय समस्याहरू पहिचान गरी आवश्यक सामान्य मरम्मत गर्ने।
• जटिल वा ठूला प्राविधिक समस्याहरू देखिएमा तत्काल सम्बन्धित सुपरिवेक्षकलाई जानकारी गराउने।

घ) प्राविधिक सहयोग

• पम्प तथा सम्बन्धित प्रणालीहरूको जडान, सञ्चालन, मर्मत तथा सेवा कार्यमा आवश्यक सहयोग गर्ने।
• आवश्यकता अनुसार प्लम्बिङ तथा अन्य मर्मतसम्भार कार्यमा सहयोग पुर्‍याउने।
• पम्पिङ प्रणालीसँग सम्बन्धित विद्युतीय जडानहरूको सुरक्षित तथा सुचारु सञ्चालन सुनिश्चित गर्ने।
• चुहावट पहिचान तथा मर्मत कार्यमा सहयोग गर्ने।
• प्रशासनिक तथा प्राविधिक सुपरिवेक्षकहरूसँग प्रभावकारी समन्वय तथा सञ्चार कायम गर्ने।

ङ) अभिलेख व्यवस्थापन तथा प्रतिवेदन

• सञ्चालन तथा मर्मतसम्भारसम्बन्धी अभिलेखहरू व्यवस्थित रूपमा राख्ने।
• पम्पको कार्यसम्पादन तथा मर्मतसम्भार गतिविधिसम्बन्धी नियमित प्रतिवेदन तयार गर्ने।
• उपकरण बिग्रिएको अवस्था, सम्पन्न मर्मतसम्भार तथा आवश्यक स्पेयर पार्टसका सम्बन्धमा प्रतिवेदन पेश गर्ने।

च) स्वास्थ्य, सुरक्षा तथा अनुपालन

• कार्यस्थल सुरक्षा सम्बन्धी मापदण्ड तथा संस्थागत नीति-नियमहरूको पूर्ण पालना गर्ने।
• औजार, मेसिनरी, रसायन तथा अन्य उपकरणहरूको सुरक्षित प्रयोग सुनिश्चित गर्ने।
• पम्प स्टेशन तथा कार्यस्थलको सरसफाइ, सुरक्षा तथा व्यवस्थित अवस्था कायम राख्ने।

छ) संरक्षण (Safeguarding)

• WaterAid तथा DJKYC का आचारसंहिता (Code of Conduct), संरक्षण (Safeguarding) नीति तथा सम्बन्धित मापदण्डहरूको पूर्ण पालना गर्ने।

आवश्यक योग्यता तथा अनुभव

शैक्षिक योग्यता

• कम्तीमा SEE/SLC/T-SLC वा सो सरह उत्तीर्ण।

प्राविधिक योग्यता

• पम्प सञ्चालन, पानी गुणस्तर व्यवस्थापन, विद्युत्, प्लम्बिङ, मेकानिकल वा सम्बन्धित क्षेत्रमा तालिम प्राप्त गरेको।
• विद्युतीय तथा मेकानिकल प्रणालीसम्बन्धी आधारभूत ज्ञान भएको।

अनुभव

• पम्प सञ्चालन, खानेपानी प्रणाली, पानी गुणस्तर परीक्षण, प्लम्बिङ, विद्युत् वा मेकानिकल मर्मतसम्भार सम्बन्धी अनुभव भएकालाई प्राथमिकता दिइनेछ।

आवश्यक सीप तथा दक्षता

• पम्प सञ्चालन तथा मर्मतसम्भार सम्बन्धी ज्ञान।
• सामान्य प्राविधिक समस्या समाधान गर्ने क्षमता।
• अभिलेख व्यवस्थापन तथा प्रतिवेदन तयार गर्ने सीप।
• टोलीमा तथा स्वतन्त्र रूपमा कार्य गर्न सक्ने क्षमता।
• जिम्मेवार, इमानदार तथा जवाफदेही व्यक्तित्व।
• फिल्डमा कार्य गर्न सक्षम शारीरिक अवस्था।

उमेर सीमा

• १८ वर्ष पूरा भई ४० वर्ष ननाघेको।

आवेदनसँग संलग्न गर्नुपर्ने कागजातहरू

1. नेपाली नागरिकता प्रमाणपत्रको प्रतिलिपि।
2. शैक्षिक योग्यता प्रमाणपत्रहरूको प्रतिलिपि।
3. अद्यावधिक बायोडाटा (CV)।
4. हस्तलिखित निवेदन तथा पासपोर्ट साइजको फोटो।
5. प्राविधिक तालिमका प्रमाणपत्रहरू (भएमा)।
6. अनुभव प्रमाणपत्रहरू (भएमा)।
7. सम्बन्धित अन्य सहयोगी कागजातहरू।

तलब तथा सुविधा

संस्थाको नीति तथा नेपाल सरकारबाट तेस्रो तहका कर्मचारीका लागि लागू प्रचलित व्यवस्था अनुसार उपलब्ध गराइनेछ।

छनोट प्रक्रिया

• आवेदन तथा कागजातहरूको प्रारम्भिक मूल्याङ्कन।
• योग्यता, तालिम, सीप तथा अनुभवका आधारमा छोटो सूची (Shortlisting) तयार गरिनेछ।
• अन्तर्वार्ता।
• आवश्यक परेमा प्रयोगात्मक परीक्षण (Practical Assessment)।

आवेदन पेश गर्ने तरिका

इच्छुक तथा योग्य नेपाली नागरिकहरूले आफ्नो आवेदन पत्र, अद्यावधिक बायोडाटा (CV) तथा आवश्यक प्रमाणपत्रहरू सहित २०८३ असोज ९ गते (२५ सेप्टेम्बर २०२६) कार्यालय समयभित्र निम्न ठेगानामा पेश गर्न सक्नुहुनेछ।

ठेगाना

दलित जन कल्याण युवा क्लब (DJKYC)

लहान नगरपालिका–१०, गुडीगाउँ, सिराहा, नेपाल

इमेल: vacancy@djkyc.org लिंक https://ee.kobotoolbox.org/x/daZ5PSH0

विशेष सूचना

केवल छोटो सूची (Shortlisted) मा परेका उम्मेदवारहरूलाई मात्र थप छनोट प्रक्रियाका लागि सम्पर्क गरिनेछ। कुनै पनि वा सम्पूर्ण आवेदन अस्वीकार गर्ने अधिकार दलित जन कल्याण युवा क्लब (DJKYC) मा सुरक्षित रहनेछ।

महिला, दलित, जनजाति, मधेसी, अपाङ्गता भएका व्यक्ति तथा अन्य सीमान्तकृत समुदायका योग्य उम्मेदवारहरूलाई आवेदन दिन विशेष प्रोत्साहन गरिन्छ।