(Program Officer – Technical)

एभरेष्ट क्लब, दैलेख

मानव संसाधन व्यवस्थापन/कार्यक्रम शाखा

रिक्त पदपूर्ति सम्बन्धी सूचना

(Vacancy Announcement)

सूचना प्रकाशित मिति: २०८३/०६/० ६

परियोजना: MNCH तथा Nutrition Project

कार्य अवधि: नियुक्ति मितिदेखि ३१ डिसेम्बर २०२७ सम्म (एक वर्षको करार अवधि)

कार्यस्थल: दैलेख जिल्ला तथा परियोजना अन्तर्गतका स्थानीय तह/स्वास्थ्य संस्थाहरू

पदको उद्देश्य

• MNCH (मातृ, नवजात शिशु तथा बाल स्वास्थ्य) तथा पोषणसम्बन्धी परियोजनाका फिल्डस्तरीय कार्यक्रमहरूको प्रभावकारी कार्यान्वयन, प्राविधिक समन्वय, गुणस्तर सुधार, अनुगमन तथा प्रतिवेदनमा कार्यक्रम संयोजकलाई सहयोग पुर्याउने।

न्यूनतम योग्यता तथा अनुभव

• नर्सिङ वा जनस्वास्थ्य विषयमा स्नातक (Bachelor’s Degree) उत्तीर्ण गरेको हुनुपर्ने।
• क्लिनिकल पृष्ठभूमि भएको तथा Staff Nurse/General Medicine सम्बन्धी अनुभव भएको उम्मेदवारलाई प्राथमिकता दिइनेछ।
• मातृ, नवजात शिशु, बाल स्वास्थ्य तथा पोषण (MNCH & Nutrition) कार्यक्रमसम्बन्धी कम्तीमा १ वर्षको कार्य अनुभव भएकालाई प्राथमिकता दिइनेछ।
• स्थानीय तह, स्वास्थ्य संस्था तथा सरकारी/गैरसरकारी निकायसँग समन्वय गरी फिल्डस्तरीय कार्यक्रम सञ्चालन गर्न सक्ने क्षमता भएको।
• तालिम, अभिमुखीकरण, onsite coaching/mentoring तथा प्राविधिक सहयोग प्रदान गर्न सक्ने क्षमता भएको।
• नेपाली भाषामा राम्रो लेखन तथा मौखिक सञ्चार क्षमता र आधारभूत कम्प्युटर ज्ञान (MS Word, Excel, PowerPoint तथा ई-मेल) भएको।

मुख्य जिम्मेवारी तथा कार्य विवरण

• कार्यक्रम संयोजकलाई फिल्डस्तरका क्रियाकलापहरू कार्यान्वयन गर्न तथा नियमित/मासिक/त्रैमासिक प्रगति प्रतिवेदन तयार गर्न आवश्यक प्राविधिक सहयोग गर्ने।
• जिल्ला तथा स्थानीय तहमा MNCH तथा Nutrition सम्बन्धी प्राविधिक फोकल पोइन्ट, स्वास्थ्य शाखा, स्वास्थ्य संस्था तथा सम्बन्धित सरोकारवालासँग समन्वय गरी कार्यक्रम कार्यान्वयन गर्ने।
• कार्यसञ्चालन योजना, फिल्ड भ्रमण तथा गतिविधि तालिका निर्माण गरी स्वीकृत योजनाअनुसार समयमै र प्रभावकारी कार्यान्वयन सुनिश्चित गर्ने।
• पालिका स्तरका सम्बन्धित सरकारी तथा गैरसरकारी निकायहरूसँग आवश्यक समन्वय र सहकार्य गर्ने।
• मातहतका कर्मचारीहरूको क्षमता अभिवृद्धि गर्ने तथा परियोजना क्षेत्रका स्वास्थ्य संस्थाका कर्मचारीहरूलाई अभिमुखीकरण, onsite coaching/mentoring र प्राविधिक सहयोग प्रदान गर्ने।
• MNCH तथा Nutrition सेवाको गुणस्तर सुधारका लागि स्थानीय तह र स्वास्थ्य संस्थालाई प्राविधिक सहयोग प्रदान गर्दै स्वास्थ्यकर्मीहरूको ज्ञान, सीप तथा कार्यसम्पादन सुदृढ गर्न सहयोग गर्ने।
• स्वास्थ्य सेवा तथा परियोजना गतिविधिसम्बन्धी तथ्याङ्क संकलन, व्यवस्थापन, विश्लेषण र प्रयोग गर्ने तथा आवश्यक तथ्याङ्कको गुणस्तर सुनिश्चित गर्ने।
• परियोजनाका उपलब्धि, सफलताका कथा, सिकाइ, चुनौती तथा सुधारका क्षेत्रहरू अनुगमन, मूल्याङ्कन र अभिलेखीकरण गर्ने।
• परियोजनाको आवश्यकता अनुसार अन्य प्राविधिक तथा फिल्डसम्बन्धी जिम्मेवारीहरू निर्वाह गर्ने।

आवश्यक सीप तथा दक्षता

• MNCH तथा Nutrition कार्यक्रमको व्यावहारिक/प्राविधिक ज्ञान।
• स्वास्थ्यकर्मी तथा स्थानीय तहका सरोकारवालासँग प्रभावकारी समन्वय र सञ्चार गर्ने क्षमता।
• तालिम/अभिमुखीकरण सञ्चालन, presentation तथा facilitation सीप।
• तथ्याङ्क विश्लेषण, प्रतिवेदन लेखन तथा कार्यक्रम दस्तावेजीकरणमा दक्षता।
• फिल्डमा यात्रा गरी दुर्गम/ग्रामीण क्षेत्रमा कार्य गर्न इच्छुक र सक्षम।

करार अवधि, पारिश्रमिक तथा सुविधा

• नियुक्ति मितिदेखि ३१ डिसेम्बर २०२७ सम्म करारमा नियुक्ति गरिनेछ। परियोजनाको आवश्यकता, कार्यसम्पादन तथा उपलब्ध बजेटका आधारमा करार नवीकरण हुन सक्नेछ।
• पारिश्रमिक तथा अन्य सुविधा संस्थाको/परियोजनाको स्वीकृत बजेट तथा नियमावली बमोजिम हुनेछ।
• फिल्ड भ्रमण तथा परियोजना गतिविधिसम्बन्धी खर्च स्वीकृत संस्थागत/परियोजना नीतिअनुसार उपलब्ध हुनेछ।

आवेदन पेश गर्ने तरिका

• इच्छुक योग्य उम्मेदवारले अद्यावधिक व्यक्तिगत विवरण (CV), शैक्षिक योग्यताको प्रमाणपत्र तथा अनुभवसम्बन्धी कागजातसहित आवेदन पेश गर्नुपर्नेछ।
• आवेदन एभरेष्ट क्लब, दैलेखको कार्यालयमा प्रत्यक्ष वा संस्थाले तोकेको आधिकारिक इमेल/माध्यमबाट पेश गर्न सकिनेछ।
• आवेदनको अन्तिम मिति: सूचना प्रकाशित भएको मितिले ७ दिनभित्र।
• छनोट प्रक्रियामा प्रारम्भिक सूची (Shortlisting) तथा आवश्यकतानुसार लिखित परीक्षा/अन्तर्वार्ता समावेश हुन सक्नेछ।
• महिला, दलित, जनजाति, अपाङ्गता भएका व्यक्ति तथा पिछडिएका समुदायका योग्य उम्मेदवारलाई आवेदनका लागि प्रोत्साहित गरिन्छ।

नोट: एभरेष्ट क्लब, दैलेखले कुनै पनि उम्मेदवारलाई छनोट वा नियुक्ति गर्ने/नगर्ने अधिकार सुरक्षित राख्दछ। गलत विवरण वा अपूर्ण कागजात पेश भएको पाइएमा आवेदन रद्द गर्न सकिनेछ।

दरखास्त दिने अन्तिम मितिः  २०८३ असोज महिनाको १२ गते ।

दरखास्त पठाउने इमेल ठेगाना: hr@everestclubnepal.org.np मा सम्पर्क गर्नुहोस्।

भौतिक रूपमा कागजात वा आवेदन बुझाउने ठेगाना : एभरेष्ट क्लवको कार्यालय, नारायण नगरपालिका वडा नं. १, नयाँ बजार, दैलेख (कागजातहरू उल्लेखित कार्यालय ठेगानामा बुझाउनुपर्नेछ) ।

परीक्षाको किसिमः लिखित तथा अन्तर्वार्ता। 

नोट:

• म्याद नाघी आएका दरखास्त मूल्याङ्कनमा समावेश गरिने छैन।
• प्रस्तुत परियोजना दाताको स्वीकृति र आर्थिक सहायताको उपलब्धतामा निर्भर रहनेछ।