सूची दर्ता गर्ने सम्बन्धी सूचना

सूची दर्ता गर्ने सम्बन्धी सूचना

प्रथम पटक प्रकाशित मिति २०८२ श्रावण २१

आकाशा प्रतिष्ठान सबै युवाहरू—विशेष गरी महिलाहरूको क्षमता, आत्मनिर्भरता र सुन्दर भविष्यमा विश्वास गर्छ । प्रत्येक दिन हामी नेपालको गाउँ तथा शहरहरूमा युवाहरूलाई स्वास्थ्य, वातावरण र जीवन सीपसम्बन्धी शिक्षाको माध्यमबाट सक्षम बनाउने काम गर्छौँ । हामी शिक्षा, स्वास्थ्य, र वातावरणलाई जोड्दै व्यवहारिक तालिम र समावेशी कार्यक्रमहरू सञ्चालन गर्छौँ ताकि सहभागीहरूले आफ्नो जीवन र समाजमा सकारात्मक परिवर्तन ल्याउन सकून्।

आकाशा प्रतिष्ठान, नेपाल अन्तर्गत काठमाडौँको शिवपुरी क्षेत्र नजिकै सञ्चालनमा रहेको केन्द्रमार्फत शिक्षा, स्वास्थ्य सेवा, तालिम कार्यक्रम, सामुदायिक सचेतना तथा वातावरणीय संरक्षणमा आधारित कार्यक्रमहरू सहज, समावेशी र प्रभावकारी ढंगले सञ्चालन गर्दै आएको छ । यस प्रतिष्ठानले सहकार्य गर्ने हरेक व्यक्ति, संस्था तथा सहभागीहरूले सार्वभौमिक नैतिकता, करुणा, जिम्मेवारी र सुरक्षित वातावरण कायम राख्ने प्रतिबद्धता जनाउनुपर्ने अपेक्षा राख्दछ ।

आकाशा प्रतिष्ठानका विभिन्न तालिम, स्वयंसेवी तथा सहयोग कार्यक्रमहरूमा सहभागी हुन, सेवा वा सामग्री आपूर्ति गर्न तथा सहकार्यका लागि सूचीकरणमा दर्ता हुन इच्छुक ईजाजत प्राप्त दर्तावाला व्यक्ति, संस्था, कम्पनी वा फर्महरूलाई यो सूचना प्रकाशित गरिएको छ । यस सूचनाको प्रकाशन मितिले १५ (पन्ध्र) दिनभित्र इच्छुक सेवा प्रदायकहरूले निवेदन पत्र तथा आवश्यक कागजातहरू सहित दर्ता गराइ दिनुहुन अनुरोध गरिन्छ ।

आवश्यक सामाग्री तथा सेवाहरुको वर्गीकरण

दरखास्त फारम साथ पेश गर्नु पर्ने कागजातहरू

निवेदन पत्र पूर्ण रूपमा भरि, छाप र दस्तखत गरी, निम्न लिखित कागजातहरू procurement@akasha–academy.org मा इमेल गरेर वा आकाशा प्रतिष्ठानको मुख्य कार्यालय, बौद्ध–६, काठमाडौं वा फिल्ड कार्यालय, सुन्ताखान–३, गोकर्णेश्वरमा पठाउन अनुरोध गरिन्छ ।

    १. फर्म दर्ता प्रमाण पत्रको प्रतिलिपी

    २. स्थायी लेखा नम्बर/मूल्य अभिबृद्धि करमा दर्ता भएको प्रमाण पत्रको प्रतिलिपि

    ३. २०८०/२०८१ को कर चुक्ता प्रमाण पत्रको प्रतिलिपि

    ४. नागरिकताको प्रमाण पत्रको प्रतिलिपि – प्रोपराईटर/कम्पनी