आशयपत्र (EOI) आह्वान सम्बन्धी सूचना

जनचेतना अभियान नेपाल

हनुमाननगर कंकालिनी नगरपालिका, सप्तरी

आशयपत्र (EOI) आह्वान सम्बन्धी सूचना

प्रकाशित मिति: २०८३ साल कार्तिक २० गते (६ नोभेम्बर २०२६)

जनचेतना अभियान नेपालले शान्तिमेड नेपाल (Shantimed Nepal) को सहयोगमा कञ्चनरुप नगरपालिका, सप्तरीमा सञ्चालन हुने “विपन्न बालबालिकाका लागि शैक्षिक सहयोग परियोजना” अन्तर्गत १०० जना विद्यार्थीलाई शैक्षिक तथा व्यक्तिगत प्रयोगका सामग्री उपलब्ध गराउने कार्यक्रम रहेको हुँदा इच्छुक तथा योग्य आपूर्तिकर्ता/फर्म/कम्पनीहरूबाट देहायबमोजिमका सामग्री आपूर्ति गर्न आशयपत्र (Expression of Interest–EOI) पेश गर्न यो सूचना प्रकाशित गरिएको छ।

१. आवश्यक सामग्री तथा परिमाण

आवश्यक सामग्रीहरूको विस्तृत विवरण, न्यूनतम गुणस्तर/विशिष्टता तथा परिमाण यस सूचनासँग संलग्न “सामग्री आवश्यकता विवरण” Excel सूचीमा उल्लेख गरिएको छ। कुल लाभग्राही संख्या १०० जना रहेको छ। प्रत्येक विद्यार्थीका लागि सूचीमा उल्लेखित सामग्री उपलब्ध गराउनुपर्नेछ।

२. EOI पेश गर्दा संलग्न गर्नुपर्ने कागजातहरू

• फर्म/कम्पनी दर्ता प्रमाणपत्रको प्रतिलिपि।
• स्थायी लेखा नम्बर (PAN) वा मूल्य अभिवृद्धि कर (VAT) दर्ता प्रमाणपत्रको प्रतिलिपि, लागू हुने हदसम्म।
• कर चुक्ता प्रमाणपत्र वा कर दाखिला सम्बन्धी अद्यावधिक प्रमाण, उपलब्ध भएमा।
• आपूर्तिकर्ताको परिचय, सम्पर्क ठेगाना, फोन नम्बर र इमेल।
• सूचीबद्ध सबै सामग्रीको ब्रान्ड/मोडेल, गुणस्तर, प्रति इकाइ दर र कुल रकम खुलाइएको दररेट/कोटेशन (कर तथा ढुवानीसहित/छुट्टाछुट्टै स्पष्ट खुलाउने)।
• आपूर्ति गर्न सक्ने समयावधि र सामग्रीको नमुना/क्याटलग/तस्बिर, उपलब्ध भएमा।

३. सामग्रीसम्बन्धी विशेष सर्तहरू

• सबै सामग्री नयाँ, प्रयोग नगरिएको, राम्रो गुणस्तरको र विद्यार्थीका लागि सुरक्षित हुनुपर्नेछ।
• जुत्ता, मोजा, पोशाक र स्वेटरको साइज विद्यार्थीको उमेर/शारीरिक बनावटअनुसार उपलब्ध गराउनुपर्नेछ। सिलाइ गर्नुपर्ने पोशाक तथा स्वेटरको नाप लाभग्राहीबाट लिएर मिल्ने गरी सिलाई गर्नुपर्नेछ।
• पोशाकका कपडा तथा सिलाइको गुणस्तर टिकाउ हुनुपर्नेछ; कपडाको प्रकार, रङ र डिजाइन संस्थासँग समन्वय गरी अन्तिम गर्नुपर्नेछ।
• सबै सामग्रीको प्याकिङ, ढुवानी तथा कञ्चनरुप नगरपालिका, सप्तरीमा तोकिएको स्थानसम्म सुरक्षित आपूर्ति गर्ने जिम्मेवारी आपूर्तिकर्ताको हुनेछ।
• आपूर्ति गरिएका सामग्री संस्थाबाट निरीक्षण तथा स्वीकृत भएपछि मात्र बुझिलिने प्रक्रिया पूरा हुनेछ।

४. EOI पेश गर्ने अन्तिम मिति, समय र स्थान

इच्छुक आपूर्तिकर्ताले मिति २०८३ साल कार्तिक २७ गते  ४:०० बजेसम्म जनचेतना अभियान नेपालको कार्यालय, मा सिलबन्दी खाममा वा संस्थाले तोकेको माध्यमबाट EOI तथा दररेट पेश गर्नुपर्नेछ। खामको बाहिर “विपन्न बालबालिकाका लागि शैक्षिक सहयोग परियोजनाको सामग्री आपूर्तिसम्बन्धी EOI” भनी उल्लेख गर्नुपर्नेछ।

५. छनोट तथा अन्य व्यवस्था

प्राप्त EOI तथा दररेटको मूल्याङ्कन सामग्रीको गुणस्तर/विशिष्टता, मूल्य, आपूर्ति क्षमता, समयसीमा र संस्थाको आवश्यकताका आधारमा गरिनेछ। आवश्यक परेमा संस्थाले थप विवरण वा नमुना माग गर्न सक्नेछ। EOI आह्वान हुँदैमा संस्था कुनै पनि प्रस्ताव स्वीकार गर्न बाध्य हुने छैन। संस्थाले कुनै कारण उल्लेख गरी वा नगरी कुनै वा सबै प्रस्ताव अस्वीकार गर्ने अधिकार सुरक्षित राख्दछ।

LINK: RFQ- Bursary Support-JCAN