आशय-पत्र आह्वान

आशय-पत्र आह्वान

(प्रथम पटक सूचना प्रकाशित मितिः २०७८ असार ३ गते)

प्लान ईन्टरनेश्नल नेपालसँगको साझेदारीमा बी-ग्रुप बाँके, हुरन्डेक कालिकोट र क्याड जुम्लाले बर्दिया, कालिकोट र जुम्ला जिल्लामा “बालविवाह, चाँडो विवाहतथा जबरजस्ती विवाह न्यूनीकरण” परियोजना सञ्चालन गरिरहेका छन् । यस परियोजना अन्तर्गत सम्बन्धित जिल्लाहरुमा बालविवाह, चाँडो विवाह तथा जबरजस्ती विवाहको जोखिममा रहेका बालिकाका परिवारका सदस्य तथा महिला युवाहरुकालागि व्यवसायीक तालिममार्फत् रोजगारको सुनिश्चित्ता गर्न सक्ने इच्छुक लुम्बिनी र कर्णाली प्रदेशमा कार्यरत तालिम तथा रोजगार सेवाप्रदायक संस्था/कम्पनी/फर्महरुबाट प्रथम पटक सूचना प्रकाशित भएको मितिले १० दिनभित्र तपसिलमा उल्लेखित संस्थाहरु मध्ये कुनै एक संस्थामा लाहा छाप खाम सिलबन्दी गरी आशय-पत्र पेश गर्न आह्वान गरिएको छ । 

छनौट भएको संस्था/कम्पनी/फर्मले सम्बन्धित साझेदार संस्थाहरुद्वारा तयार गरिएको बजार विश्लेषण प्रतिवेदनको आधार एवम् सरोकारवाला (सानातथा घरेलु उद्योग कार्यालय तथा विकास समिति) निकायसँग सम्न्वय गरी संभावित व्यवसाय छनौटकोलागि परियोजना टीमलाई सिफारिस गर्नु पर्नेछ । संभावित व्यवसायको बजारको अवस्था र स्रोतको आधारमाव्यवसायनिर्धारण गरिनेछ । छनौट भएका सेवाप्रदायक संस्था/कम्पनी/फर्महरुले आवश्यकता अनुरुप परियोजना सञ्चालन भएका जिल्ला र पालिकाहरुमा उपस्थित भई तालिम सञ्चालनगर्नु पर्नेछ । 

आशय-पत्रसँगसंलग्न राख्नु पर्ने कागपत्रहरुः

• संस्था/कम्पनी/फर्म दर्ता र नविकरण गरिएको प्रमाण-पत्र
• नेपाल सरकारबाट व्यवसायिक तालिम सञ्चालनकालागि विवरण सहितको ईजाजत प्रमाण-पत्र । 
• मूल्य अभिबृद्धि कर तथा आयकरमा दर्ता भएको प्रमाण-पत्र
• आ. व. २०७६/७७ को कर चुक्ता प्रमाण-पत्र
• आ. व. २०७६/७७ को लेखा परिक्षणको (Audit report) प्रतिवेदन
• संस्थाको तालिम प्राप्त युवाहरुलाई रोजगार सिर्जनाका लागि स्वःघोषित प्रतिवद्धता 
• संलग्नहुने जनशक्तिको हस्ताक्षर सहितको वैयक्तिक विवरण (Bio-Data)

(क.) प्रस्ताव–पत्रको ढाँचा

रोजगार प्रदायक संस्थाको नाम, ठेगानाः

(ख.)संस्थाले हालसम्म सञ्चालन गरेकातालिमरकार्यअनुभवको विवरण:

(ग.) रोजगार प्रदायक संस्थाको भौतिक सम्पतिको विवरण:

(घ.) वित्तिय प्रस्तावको ढाँचा:

आशय–पत्र पेश गर्न सकिने संस्थाहरुको विस्तृत ठेगाना तथा सम्पर्क नं.:

तालीम प्राप्त युवाहरुलाई रोजगारीको व्यवस्था गर्न सक्ने सुनिश्चितता सहित प्राप्त भएका आशय-पत्रहरुलाई छनौट प्रक्रियामा उच्च प्राथमिकता दिईनेछ । 

नोटः म्याद नाघी आएका वा तोकिएको मापदण्ड पुरा नभएका आशय-पत्रलाई छनौट प्रक्रियामा समावेश गरिने छैन । छनौट प्रक्रियाको सर्वाधिकार उल्लेखित संस्थाहरुमा नीहित हुनेछ ।