पोषण तथा जीविकोपार्जन अधिकृत (Nutrition & livelihood officer)

कर्मचारी आवश्यकता सम्बन्धी सूचना

मिति २०८० साल पौष २० गते

राष्ट्रिय कृषक समूह महासंघ नेपाल, सम्बन्धित सरकारी निकायहरूमा दर्ता भएका कृषक समूह, पशु सेवा समूह र कृषि सहकारीहरूको छाता संगठन हो । यस महासंघले सिमान्तकृत, भूमिहिन, महिला र साना किसानहरूको क्षमता विकासको माध्यमबाट अधिकारमा पहुँच स्थापना एवं किसानको जिवनस्तरमा सकारात्मक परिवर्तनको लागि  कार्यरत रहदै आएको छ ।

महासंघले पोषण सम्बेदनशील  गतिविधिहरू मार्फत लक्षित वर्गको पोषणमा पहुँच साथै जीविकोपार्जनमा टेवा पुऱ्याउने उदेश्यले केएर नेपालसँगको साझेदारी एवं स्थानीय सरकारसँगको सहकार्यमा सिरहा, सप्तरी र उदयपुर जिल्लाका पालिका लक्षित कार्यक्रम सञ्चालन गर्न गईरहेको छ । महासंघको मधेश प्रदेश कार्यसमितिको कार्यालय, सिरहामा रही तपशिलको पदमा काम गर्न इच्छुक, योग्यता पुगेका नेपाली नागरिकहरूले तपशिलमा उल्लेखित ठेगानामा  ०७ माघ २०८० सम्ममा रीतपूर्वकको निवेदन एवं बायोडाटा  पेश गर्न अनुरोध गरिन्छ ।  निवेदन पेश गर्दा अपेक्षा गरेको तलव समेत उल्लेख गर्नुपर्नेछ ।

• महिला, दलित,  सिमान्तकृत र स्थानीय उम्मेदवारलाई छनौट प्रक्रियामा थप प्रोत्साहन दिइने छ । 
• छोटो सूचिमा परेका उम्मेदवारहरूलाई मात्र थप प्रकृयामा समावेश गराईनेछ ।

दरखास्त साथ बुझाउनु पर्ने कागजातहरू

• रितपूर्वकको निवेदन, नेपाली नागरिकता प्रमाण पत्रको प्रतिलिपि, शैक्षिक योग्यता र कार्य अनुभव प्रमाण पत्रहरुको प्रतिलिपि 
• दरखास्त बुझाउने ठेगानाः ईमेल ठेगाना vacancy.nfgf@gmail.com मार्फत दरखास्त पेश गर्न सकिनेछ ।

दरखास्त बुझाउने अन्तिम मितिः २०८० माघ ०७  गते  सम्म

छनौट विधिः लिखित र मौखिक 

..........................

पदपूर्ति समिति