प्रस्ताव माग सम्बन्धी सूचना (Request for Proposal)

च.नं. . . . . . . . /२०८२ /०८३

मिति: २०८३।०२।२७

प्रस्ताव माग सम्बन्धी सूचना (Request for Proposal)

संस्थाको नाम: सामुदायिक ग्रामीण विकास समाज नेपाल (CRDS-Nepal)

परियोजना: Advancing Wholistic Support for Children's School Retention (AWASAR)/अवसर

आर्थिक सहयोग: गुड नेबर्स इन्टरनेसनल (GNI) नेपाल

सूचना प्रकाशन मिति: २०८३।०२।२७ गते

प्रस्ताव पेस गर्ने अन्तिम मिति: २०८३ ।०३।०२ गते सम्म 

१. पृष्ठभूमि (Background)

सामुदायिक ग्रामीण विकास समाज नेपाल (CRDS-Nepal) ले गुड नेइबर्स इन्टरनेसनल (GNI) नेपालको आर्थिक सहयोगमा "अवसर (AWASAR)" परियोजना सञ्चालन गर्दै आइरहेको छ । यसै परियोजना अन्तर्गत विद्यालयहरूमा बालमैत्री, सुरक्षित र जवाफदेही वातावरण निर्माण गर्ने उद्देश्यका साथ छनोट गरिएका २२ वटा विद्यालयका फोकल शिक्षकहरूका लागि "बाल अधिकार तथा बाल संरक्षण" सम्बन्धी प्रशिक्षक प्रशिक्षण (ToT) सञ्चालन गर्नुपर्ने भएको छ । यस कार्यका लागि बाल अधिकार, बाल संरक्षण र शिक्षक प्रशिक्षणको क्षेत्रमा दक्ष तथा अनुभवी विज्ञ प्रशिक्षक/परामर्शदाताहरूबाट यो प्रस्ताव आह्वान गरिन्छ ।

२. कार्यक्षेत्र तथा जिम्मेवारी (Scope of Work)

छनोट भएका प्रशिक्षकले निम्न कार्यहरू सम्पादन गर्नुपर्नेछ:

• शिक्षा क्षेत्र सँगको परामर्शमा बाल अधिकार, बाल संरक्षणका नीतिहरू र विद्यालयीय व्यावहारिक अभ्यासहरू समेटिएको ५ दिने तालिमको सत्र योजना (Session Plan) र सहयोगी सामग्री (Handouts) तयार गर्ने ।
• तोकिएको विद्यालयका २२ जना फोकल शिक्षकहरूलाई ५ दिने आवासीय प्रशिक्षक प्रशिक्षण (ToT) प्रत्यक्ष रूपमा सञ्चालन गर्ने ।
• तालिम पूर्व र तालिम पश्चात (Pre & Post Test) सहभागीहरूको ज्ञानको स्तर मूल्याङ्कन गर्ने ।
• तालिम सम्पन्न भएको ७ दिनभित्र मूल्याङ्कन विश्लेषण, सहभागीहरूको सिकाई र आगामी कार्यदिशा सहितको विस्तृत तालिम प्रतिवेदन (Training Report) बुझाउने ।

३. प्रस्तावनाको ढाँचा र आवश्यक कागजातहरू

इच्छुक प्रशिक्षक/परामर्शदाताले आफ्नो प्रस्तावलाई दुई भागमा विभाजन गरी पेस गर्नुपर्नेछ ।

क) प्राविधिक प्रस्ताव (Technical Proposal):

• तालिमको कार्यविधि (Methodology) ५ दिने तालिमलाई कसरी बालमैत्री र व्यावहारिक बनाउनुहुन्छ ? त्यसको संक्षिप्त खाका र सम्भावित सत्र तालिका (Tentative Agenda) । 
• प्रशिक्षकको विवरण (CV) बाल अधिकार, बाल संरक्षण र शिक्षक प्रशिक्षणको क्षेत्रमा काम गरेको अनुभव खुल्ने व्यक्तिगत विवरण (CV) । 
• कागजातहरू शैक्षिक योग्यताको प्रमाणपत्र, प्यान (PAN) वा भ्याट (VAT) दर्ता प्रमाणपत्रको प्रतिलिपि, र यस्तै प्रकारका अन्य तालिम सञ्चालन गरेका अनुभवका प्रमाणहरू ।

ख) आर्थिक प्रस्ताव (Financial Proposal):

• आर्थिक प्रस्तावमा प्रशिक्षकको दैनिक पारिश्रमिक (Facilitation Fee) र कर (TDS) सहितको विवरण स्पष्ट रूपमा उल्लेख हुनुपर्नेछ ।
• प्रशिक्षकले सार्वजनिक वा आफ्नै यातायातका साधन प्रयोग गरेको खण्डमा, संस्थाको नियमानुसार भुक्तानीका लागि वास्तविक टिकट  वा सावारी सम्बन्धी कागजपत्र अनिवार्य रूपमा पेस गर्नुपर्नेछ ।
• आवासीय तालिम अवधिभर प्रशिक्षकको बस्ने र खाने व्यवस्था संस्थाले नै बेहोर्ने छ । 

४. आवश्यक योग्यता तथा अनुभव

• शिक्षा शास्त्र, समाजशास्त्र वा सम्बन्धित विषयमा स्नातक गरेको ।
• बाल अधिकार, बाल संरक्षण, बाल अधिकार नीति र बाल मनोविज्ञानको क्षेत्रमा कम्तीमा ५ वर्षको प्रशिक्षण अनुभव भएको ।
• राष्ट्रिय पाठ्यक्रम र नेपाल सरकारको विद्यालय तहको बाल संरक्षण नीति सम्बन्धी राम्रो ज्ञान भएको ।
• नेपाली र अंग्रेजी भाषामा प्रस्तुतिकरण र प्रतिवेदन लेखन क्षमता भएको ।

५. प्रस्ताव बुझाउने प्रक्रिया

इच्छुक प्रशिक्षकहरूले आफ्नो प्राविधिक र आर्थिक प्रस्ताव, शैक्षिक तथा अनुभवका कागजातहरू सहित यस संस्थाको कार्यालयमा वा तोकिएको इमेल ठेगाना crdsnepal1992@gmail.com  मा २०८३।०३।०२ गते सम्म पेस गर्नुहुन अनुरोध गरिन्छ ।

Link: ToR_ Facilitator- Child Right and Child Protection_AWASAR-2026

सम्पर्क र प्रस्ताव बुझाउने ठेगाना:

सामुदायिक ग्रामीण विकास समाज नेपाल (CRDS-Nepal)

महाकाली नगरपालिका वडा नंम्बर ५ गल्फै, मेन रोड खलंगा, दार्चुला 

फोन नं: ०९३४२००६१, ९८४८७४२६२१

इमेल: crdsnepal1992@gmail.com

(नोट: रीत नपुगी वा म्याद नाघि आएका प्रस्तावहरू उपर कुनै कारबाही गरिने छैन । प्रस्ताव स्वीकृत गर्ने वा नगर्ने पूर्ण अधिकार यस संस्थामा निहित रहनेछ ।)

खरिद समिति

CRDS-Nepal