फिल्ड अफिसरको लागि आवेदन आह्वान

फिल्ड अफिसरको लागि आवेदन आह्वान

पृष्ठभूमि :

दलित महिला केन्द्र नेपाल सन् २०१६ मा स्थापना भई दलित, महिला तथा सिमान्तकृत समुदायको सवालहरूमा कार्य गरिरहेको संस्था हो । यस संस्थाले नेपालको सातै प्रदेशका सात वटा स्थानीय तहहरूमा प्रभावकारी र समावेशी सुशासन सुदृढीकरण कार्यक्रम (Fostering effective and Inclusive sub-national governance) सञ्चालन गरी रहेको छ । यस कार्यक्रमको मुख्य उद्देश्य स्थानीय सरकारको लैङ्गिक समानता तथा सामाजिक समावेशीकरण सम्वन्धी नीति नियमहरूको पुनरावलोकन तथा परिमार्जन र महिला जनप्रतिनिधिहरूको क्षमता सुदृढीकरण र सवलीकरणका लागि सहयोग गर्नु रहेको छ । पालिकास्तरमा कार्यक्रम सञ्चालनको लागि देहाय वमोजिमको पदपूर्तिको लागि यो विज्ञापन गरिएको छ ।

उद्देश्य:

कार्यक्रम सञ्चालन हुने पालिकाहरूमा लैंङ्गिक समानता तथा सामाजिक समावेशीकरणको नीति नियमहरूको समिक्षा गरी पुनरावलोकन तथा परिमार्जन गर्न सहजीकरण गर्ने तथा निर्वाचित महिला सदस्यहरूको क्षमता सवलीकरणको लागि सहयोग गर्ने ।

पद: फिल्ड अफिसर

आवश्यक संख्या: १ जना (वालिङ नगरपालिकाको लागि १ जना )

कार्यस्थल: वालिङ नगरपालिका, स्याङजा, गण्डकी

कार्य जिम्मेवारी

• वालिङ नगरपालिका  रही परियोजनाको क्रियाकलाप सञ्चालन गर्ने ।
• वालिङ नगरपालिकामा लैङ्गिक समानता, अपाङ्गता तथा सामाजिक समावेशीकरण सम्बन्धमा भएका नीति नियम तथा कार्यक्रमहरूको समिक्षा गरी नीति नियम परिमार्जन गर्न सहजीकरण गर्ने ।
• स्थानीय सरकारहरूले तयार पारेको लैङ्गिक समानता, अपाङ्गता तथा सामाजिक समावेशीकरण सम्बन्धी तर्जुमा भएका नीति नियमहरूको कार्यान्वयनमा सहजीकरण गर्ने ।
• कार्यक्षेत्रमा छनौट भएका मेन्टरीङ सेवा लिने जनप्रतिनिधिहरूलाई सशक्त रुपमा भुमिका निर्वाह गर्न, उहाँहरूको भुमिकाको लागि आवश्यक प्राविधिक ज्ञान सीप हासिल गर्न र सम्बन्ध बिस्तार गर्नको लागि मेन्टरसीप सेवा प्रदान गर्न र गराउन सहजीकरण गर्ने ।
• नियमित रुपमा महिलाहरूको समन्वय बैठक सञ्चालन गरी उनीहरूलाई प्रोत्साहन गर्ने ।
• स्थानीय सरकारसँग नियमित समन्वयमा रही निर्वाचित दलित महिला सदस्यहरूको योजना तर्जुमा, निर्णय प्रक्रिया र कार्यक्रम सञ्चालनमा भुमिका प्रभावकारी बनाउन सहजीकरण गर्ने ।
• अन्तरपार्टी महिला संजाल र दलित महिला संजालको  प्रभावकारी सञ्चालन र विस्तारमा सहजीकरण गर्ने ।
• पालिकास्तरमा विभिन्न सरोकारवालाहरूको सहभागितामा (पालिकाको विषयगत समिति, राजनैतिक दल, र अन्य सरोकारवाला) संवाद कार्यक्रम सञ्चालन गर्ने ।
• पालिकास्तरमा दलित समुदायको लागि आवश्यक बजेट विनियोजन गर्नको लागि निर्वाचित दलित महिला सदस्यहरूको क्षमता विकास गर्ने तथा बहस पैरवी गर्ने ।
• संस्था र स्थानीय सरकारबीच समन्वय र सम्बन्ध बिस्तार गर्ने।
• संस्था र कार्यक्रमको  आवश्यक्ता अनुसार अन्य कामहरू गर्ने ।

शैक्षिक योग्यता तथा आवश्यकता

• कम्तिमा स्नातक तह उत्तीर्ण भएको हुनु पर्नेछ ।
• नेपालको सामाजिक पक्षहरू र लैंङ्गिक समानता तथा सामाजिक समावेशीकरण र आर्थिक सशक्तिकरणको वारेमा अनुभव हुनु पर्नेछ ।
• परियोजना कार्यान्वयन, अनुगमन, प्रतिवेदन लेखन तथा दस्तावेजीकरण सम्बन्धि ज्ञान हुनुपर्नेछ ।
• सामाजिक परिचालन सम्बन्धि पूर्व अनुभव भएको हुनुपर्नेछ ।
• कम्प्युटरको आधारभूत ज्ञान भएको हुनुपर्नेछ ।
• समुदाय स्तरमा मेन्टरीङ सम्वन्धी काम गरेका उमेदवारहरूलाई प्राथमिकता दिईने छ ।
• स्थानीय स्तरको भाषा, रहन सहन तथा परिवेशको बारेमा ज्ञान भएमा थप महत्व हुनेछ ।

माथि उल्लेखित आधारभुत योग्यता पुगेका इच्छुक उमेदवारहरूले अद्यावधिक वैयक्तिक विवरण (CV), र निवेदन पत्र सहित आवेदन दिनु हुन अनुरोध छ । आवेदन इमेल मार्फत केन्द्रीय कार्यालय काठमाण्डौको   cdwn2021@gmail.com इमेल ठेगानामा पठाउन सकिनेछ ।

आवेदन पेश गर्ने अन्तिम मिति: २२ फेब्रुअरी २०२६ (१० फाल्गुन २०८२)

नोट: यस दलित महिला केन्द्र नेपालले विशेषगरि महिला, दलित, सिमान्तकृत समुदाय, लैङ्गिक र यौनिक अल्पसंख्यकहरूलार्ई आवेदन दिनको लागि प्रोत्साहन गर्दछ । प्राप्त दरखास्तहरू कारण खोली वा नखोली छनौट गर्ने वा नगर्ने अधिकार दलित महिला केन्द्र नेपालमा सुरक्षित रहने छ ।