लेखा तथा प्रशासन सहायक (महिला)

कर्मचारी आवश्यकता सम्बन्धी सूचना

(प्रथम पटक प्रकाशित मिति २०८२/०७/१७ गते)

राजपुर नगरपालिका भित्रका खानेपानी आयोजनाहरूको दीगो व्यवस्थापन गर्ने गराउने प्रयोजनका लागि नगरपालिकामा राजपुर खानेपानी तथा सरसफाई व्यवस्थापन बोर्ड ऐन २०७९ अन्तर्गत राजपुर खानेपानी तथा सरसफाई व्यवस्थापन बोर्ड गठन भएको छ । उक्त बोर्डका कार्यक्रमहरू सञ्चालन तथा कार्यान्वयनका लागि देहाय बमोजिमको कर्मचारी करारमा भर्ना गर्न आवश्यक रहेकाले नेपाली नागरिकहरूलाई यो सूचना प्रकाशित भएको मितिले ७ दिन भित्र रीत पूर्वकको दरखास्त आह्वान गरिन्छ ।

तपसिल

योग्यता, अनुभव तथा सीपः

• मान्यता प्राप्त शैक्षिक संस्थाबाट बाणिज्य शास्त्रमा प्रविणता प्रमाणपत्र तह उतिर्ण गरि लेखा तथा प्रशासनको क्षेत्रमा कम्तिमा २ बर्षको अनुभव भएको हुनुपर्नेछ । 
• समुदाय, उपभोक्ता समिति तथा खानेपानी व्यवस्थापन बोर्डसँग इमान्दारीता र पारदर्शिता प्रदर्शन गर्न सक्षम र लैङ्गिक तथा समावेशीका सवालमा सचेतना भएको । 
• आधारभुत कम्प्यूटर सम्बन्धी ज्ञान भई वर्ड, एक्सेल, इमेल, इन्टरनेट, पावरप्वाइन्टमा निपुण भएको साथै नेपाली र अंग्रेजीमा राम्रोसँग टाइप गर्न जान्ने । 
• संस्थाको हर हिसाब तथा खाता कम्प्यूटर सफ्टवेयरमा राख्न सक्ने । 
• योजना तयारी, समन्वय, कार्यान्वयन र प्रतिवेदन लेखनमा दख्खल भएको । 
• सरकारी, गैर सरकारी संस्था, निजी क्षेत्र वा सहकारी संस्थाहरूमा कार्य गरेको अनुभव भएको ।
• नेपाली र अंग्रेजी दुवैमा राम्रो संचार कौशल भएको ।

लेखा तथा प्रशासन सहायकको जिम्मेवारी/कार्य विवरणः

• लेखा शाखाको इन्चार्ज भई काम गर्ने ।
• कार्यालयको दैनिक आयव्ययको हिसाब राख्ने ।
• मासिक आम्दानी खर्चको फाँटवारी तयार गर्ने ।
• प्रत्येक हप्ता लेखा शाखाको प्रगति विवरण व्यवस्थापकलाई जानकारी गराउने ।
• त्रैमासिक रुपमा आयव्ययको बित्तिय प्रगति विवरण तथा प्रतिवेदन तयार गर्ने ।
• कर्मचारीहरुको व्यक्तिगत विवरण फाइल, विदा, मासिक कार्ययोजना र कार्यप्रगतीको अभिलेख राख्ने । 
• लेखाको सिद्धान्त अनुसार आर्थिक कारोवारहरूको निस्सा तथा प्रमाणहरूको चेकजाँच गर्ने तथा प्रक्रिया सम्मत खर्चहरूको भुक्तानी गर्ने । 
• बजेट तथा खर्चहरूको नियमित अनुगमन सिट तयार गरि व्यवस्थापकलाई जानकारी गराउने र क्रियाकलाप तथा बजेटको आवश्यक समायोजन गर्न सघाउने । 
• कार्यालयको दैनिक प्रशासनिक तथा बन्दोवस्तीका कार्यहरू गर्ने ।
• कार्यालयको जिन्सी तथा सामग्रीहरूको अभिलेखिकरण तथा संरक्षण गर्ने र अन्य रेर्कडहरू दुरुस्त राख्ने ।
• क्रियाकलापहरू कार्यान्वयनको खर्चमा संस्थाको नियम तथा कार्यविधिको पालना गर्ने गराउने र खर्चको पारदर्शिता, एकरुपता कायम गर्दै सुशासनमा प्रतिबद्ध रहने । 
• लेखाशाखामा जडान भएको सफ्टवेयरको दैनिक रेखदेख गर्ने ।
• लेखाशाखासँग सम्बन्धित सम्पूर्ण कार्यको जवाफदेही भई कार्य गर्ने ।
• बोर्डको आम्दानी, खर्च, सम्पत्ति र दायित्वको अभिलेख राख्ने  र वित्तीय विवरणहरू तयार गर्ने ।
• वार्षिक सन्तुलन परिक्षण बनाई वार्षिक प्रतिवेदन तयार गर्ने ।
• बार्षिक रुपमा गरिने आन्तरिक तथा अन्तिम लेखा परिक्षणका लागि आवश्यक कागजात तयार गरि लेखा परिक्षण गर्न सहयोग गर्ने ।
• योजना कार्यान्वयनको चरणमा सार्वजनिक सुनुवाई तथा लेखा परिक्षण सञ्चालनमा व्यवस्थापकलाई सहयोग गर्ने ।
• कार्यक्रम सञ्चालन तथा खानेपानीको निर्माण कार्यका लागि पालिका, प्रदेश तथा संघिय सरकार र अन्य दातृ निकायबाट प्राप्त सहयोग तथा म्याचिङ्ग फण्डको खर्च फछर्यौटको लागि आवश्यक कागजात तयार गरि सम्बन्धीत निकायसँग समन्वय गर्ने ।
• तोकिएका अन्य कार्यहरू गर्ने ।

विस्तृत जानकारीको लागि

राजपुर खानेपानी तथा सरसफाई व्यवस्थापन बोर्ड

राजपुर–२, फतुवा, रौतहट

सम्पर्क: ९८६२२३०१८०, ९८४५३७८२९७

ईमेल: rdsmb2079@gmail.com