Child Sponsorship officer

संरक्षण नेपाल, बारा

कर्मचारी पदपूर्ति सम्बन्धि सूचना

विज्ञापन नम्बरः ०५/२०८१/०८२

प्रथम पटक सुचना प्रकाशन मिति: ८ असार २०८२, (२२ जुन २०२५)

दोस्रो पटक सुचना प्रकाशन मिति: ४ श्रावण २०८२, (२० जुलाइ २०२५)

संरक्षण नेपाल सन् २००२ मा स्थापना भएको एक गैरराजनीतिक, धर्मनिरपेक्ष र गैर नाफामुखी संस्था हो जसको मुख्य कार्यालय बारा जिल्लाको कलैयामा रहेको छ । यस संस्थाले नेपालको तराई क्षेत्रमा बाल, युवा तथा महिलाहरूको हकहित, संरक्षण, शिक्षा, स्वास्थ्य, खानेपानी तथा सरसफाइ र मानवीय सहायताको विषयगत क्षेत्रहरू काम गर्दै आएको एक अग्रणी संस्था हो ।  यसले गरिब, जोखिममा परेका, सीमान्तकृत, सामाजिक रूपमा बहिष्कृत समुदाय र बालबालिका, युवा, महिला समेतको लागि विभिन्न दातृ निकायहरूको सहयोगमा सामाजिक र आर्थिक विकासलाई प्रोत्साहित गर्न र उनीहरूको अधिकार, मानव कल्याण र हितलाई कायम राख्न काम गर्दछ ।

United Mission to Nepal को साझेदारीमा संरक्षण नेपालको सहजिकरणमा Children Happily Involved in Learning and Development (CHILD) Project बारा जिल्लाको निजगढ नगरपालिकाहरूमा विषेश गरी कार्य क्षेत्रमा दलित, मुस्लिम, गरिब, सिमान्तकृत तथा पछाडी परेका बालबालिकाहरूको (बालिका) गुणस्तरिय शिक्षामा पहुच अभिबृद्धि, बालबालिका, यूवाहरूलाई आफनो क्षमता बिकास र राय व्यक्त गर्न सक्षम बनाउन सहयोग गर्ने र आत्म निर्भर समूहका सदस्यहरूलाई सामाजिक, आर्थिक, शैक्षिक रुपमा क्षमता विकास गरि समुदायमा गुणस्तरिय शिक्षाको प्रभाव बढाउन सहयोग गर्ने साथै सोका लागि सरोकारवाला निकायहरूसँग समन्वय र सहकार्य गरी नमुना विद्यालय निर्माणमा सहयोग गर्ने र समुहका व्यक्तिहरूको हक अधिकार सुनिश्चित गर्ने बालबालिका, युवा, अभिभावक गरिव, जोखिममा परेका र समाजबाट बहिष्कृत महिला पुरुषहरूरूलाई सामाजिक समता, न्याय स्थापना, बाल विवाह तथा दाइजो प्रथा अन्त्यका लागी शिक्षा तथा सचेतना मुलक क्षमता अभिवृद्धिका लागि संवेदनशिल तवरबाट कार्य गर्नु रहेको छ ।

यस CHILD Sponsorship Project परियोजनाका लागि तपसिल अनुसारका कर्मचारीहरूको आवश्यकता परेकाले योग्यता पुगेका इच्छुक नेपाली नागरिकहरूबाट आवेदन आह्वान गरिएको छ । 

तपसिल कर्मचारीहरूको पद तथा योग्यता, अनुभव र सिप:

नोट: रिक्त पुगेका महिलाले मात्र आवेदन दिनुहोला बिस्तृत कार्य विवरण चाहेको खण्डमा तल्ल उल्लेखित इमेलबाट माग गर्न सकिन्छ । 

दरखास्तमा समावेश गर्नुपर्ने कागजातहरू:

आवश्यक कागजातहरू 

    १. नेपाली नागरिकताको प्रमाण पत्र । 

    २. शैक्षिक प्रमाण पत्रको प्रतिलिपि । 

    ३. यस भन्दा अघि काम गरेको अनुभव (Experience letter) को साथमा नियुक्तिपत्र । 

    ४. अद्यावधिक गरेको २ जना रेफरेन्स व्यक्ति सहितको आवेदकको विस्तृत वायोडाटा (CV ) 

    ५. आवेदन पत्र सहित हाल सालै खिचेको फोटो ( PN_Job Application Form.doc)

    ६. छनौटको किसिमः लिखित तथा अन्तरवार्ता (दुवै) 

आवेदन गर्ने प्रकृयाः

माथि उल्लेखित कागजात सहित कार्यालयमा स्वयम वा प्रतिनिधि उपस्थित भई वा ईमेल vacancy.pnbara@gmail.com मार्फत दरखास्त दिन सकिनेछ । म्याद नाघी आएका, तोकिएको शैक्षिक योग्यता नपुगेका, अनुभव नपुगेका, तोकिएका मापदण्ड पुरा नभएका वा रित पुरा नगरेका निवेदनहरू स्वीकृति गर्न संस्था वाध्य हुनेछैन । संस्थाले पूर्ण वा आशिंक कुनै पनि आवेदन विना शर्त स्वीकृत गर्ने वा नगर्ने अधिकार आफूमा निहित गर्दछ । कृपया आवेदनमा आफूले आवेदन दिएको पदको लागि आवेदन भनेर खुलाउनु होला ।

प्रारम्भिक छनौटमा परेका उम्मेदवारहरूलाई मात्र लिखित तथा मौखिक छनौंट प्रक्रियामा समावेश गरिनेछ । समाजमा पछाडि पारिएका महिला, दलित, जनजाति, अपाङ्गता भएका व्यक्ति, सिमान्तकृत वर्गलाई दरखास्त पेश गर्नका लागि विशेष प्रोत्साहित गरिन्छ । यस संस्था यौन उत्पीडन, शोषण र दुर्व्यवहार र बाल दुर्व्यवहार रोक्नका लागि संस्थाको सुंरक्षा नीति तथा अन्य सम्बन्धित नीतिहरू सहित प्रतिबद्ध रहेको छ । यदि आवेदन दिने व्यक्तिको यस संस्थामा कुनै नाता लाग्ने व्यक्ति वा कुनै स्वार्थको द्वन्द्व (Conflict of Interest) छ भने आवेदनको साथमा उल्लेख तथा स्व-घोषणा गर्नुहुन समेत जानकारी गराइन्छ । स्थानिय आवेदकहरु लाई प्राथमिकता दिईनेछ ।

दरखास्त दिने अन्तिम मितिः इच्छुक उम्मेदवारहरूलाई आफ्नो आवेदन अद्यावधिक गरिएको Biodata सहित ७ दिन भित्र ११ श्रावण २०८२ (२७ जुलाइ २०२५) बेलुका ०५:०० बजेसम्म पेश गर्न अनुरोध गरिन्छ । यदि सो दिन सार्वजनिक बिदा परेमा त्यस लगत्तै कार्यालय खुल्ने दिनको ५:०० बजे सम्म आवेदन दिन सकिनेछ । यदि कुनै कुरा बुझ्न परेमा माथि उल्लेखित इमेल वा तल उल्लेखित फोन नं. मा सम्पर्क गर्न सक्नुहुनेछ ।

आवेदन दिने ठेगाना:

संरक्षण नेपाल

कलैया, बारा

फोन नः ०५३–५५०६०५/६९०३१८

वा

ईमेल ठेगाना: vacancy.pnbara@gmail.com

कार्यशक्तिको विविधताको कदर गर्दै, संरक्षण नेपालले महिला र जातीय अल्पसंख्यकहरूलाई आवेदन दिन दृढतापूर्वक प्रोत्साहित गर्दछ ।