सहायक लेखा तथा प्रशासन अधिकृत
Details / requirements:
कर्मचारी आवश्यकता सम्बन्धी सूचना
(दोस्रो पटक प्रकाशित मिति: २०७९।१०।११ गते)
(प्रथम पटक प्रकाशित मिति: २०७९।०५।०३ गते)
एकिकृत जलश्रोत व्यवस्थापन कार्यक्रम हेल्भेटास नेपालको आर्थिक सहयोगमा कर्णाली प्रदेशको जाजरकोट, कालिकोट, दैलेख र सुर्खेत तथा सुदुरपश्चिम प्रदेशको अछाम जिल्लामा स्थानिय साझेदार संस्थाहरुद्धारा एकिकृत जलश्रोत व्यवस्थापन कार्यक्रम संचालन गर्दै आइरहेको छ । एकिकृत जलश्रोत व्यवस्थापन कार्यक्रमले कार्यक्षेत्रका पालिकाहरुमा जलश्रोतको पहिचान गरि तिनको विविध जलउपयोग गुरुयोजना बनाउन सहजिकरण गर्ने, प्राथमिकतामा परेका खानेपानी तथा बहुउपयोगी योजनाहरुको निमार्ण, सरसफाई र स्वच्छता प्रर्वदन तथा स्थानीय समुदाय एवं संघ संस्थाहरुको क्षमता विकास गर्न सहयोग गर्दछ ।
समाज जागरण केन्द्र (स्याक) नेपाल एक गैर नाफामूलक गैरसरकारी संस्था हो । यस संस्थाले महिला, बालबालिका र किशोर किशोरीहरुको गुणस्तरीय जीवनका लागि सक्षम र समृद्ध समाज निर्माण गर्ने परिकल्पनाका साथ आफ्ना कार्यक्रमहरु कार्यान्वयन गर्दे आइरहेका छ । यस संस्थाले खानेपानी तथा सरसफाई, स्वास्थ्य, शिक्षा, जिविकोपार्जन, संरक्षण र जलवायु परिवर्तन, विपद व्यवस्थापन तथा मानवीय सहायता लगायतका क्षेत्रमा कार्य गर्दछ ।
स्याक नेपालले एकिकृत जलश्रोत व्यवस्थापन कार्यक्रम हेल्भेटास नेपालको आर्थिक सहयोगमा सुर्खेत जिल्लाका लेकवेशी नगरपालिका, सिम्ता र चिङ्गाड गाउंपालिकामा कार्यक्रम कार्यान्वयन गरिरहेको छ । सो कार्यक्रम कार्यान्वयनका लागि १ जना सहायक लेखा तथा प्रशासन अधिकृत कर्मचारी आवश्यक परेकाले यो सूचना प्रकाशन गरिएको छ । त्यसैले उक्त पदमा योग्यता पुगेका इच्छुक नेपाली नागरिकहरुबाट दरखास्त आव्हान गरिएको छ ।
विज्ञापन नं.: ४/२०७९/२०८०
पद: सहायक लेखा तथा प्रशासन अधिकृत ।
आवश्यक संख्या: १ (एक) जना
कार्यअवधि: सन् अगष्ट २०२२ देखि जुलाई २०२३ सम्म (आवश्यकता तथा स्रोतको आधारमा कार्य अवधि थप हुन सक्ने)
योग्यता, अनुभव तथा सिप: मान्यता प्राप्त संस्थावाट वाणिज्य शास्त्रमा स्नातक तह उत्तिर्ण गरि कम्तिमा १ वर्ष वा १०+२ उत्तिण गरि कम्तिमा २ वर्षको कार्य अनुभव हुनुपर्ने छ ।
आधारभुत कम्प्युटर सम्वन्धि ज्ञान भइ Word तथा Excel मा दख्खल भएको हुनुपर्ने ।
समुदाय, उपभोक्ता समिति र संस्थासंग इमान्दारिता र पारदर्शिता प्रदर्शन गर्न सक्षम र लैंङ्गिग तथा समावेशीका सवालमा सचेत भएको ।
मूख्य जिम्मेवारी:
- कर्मचारीहरुको व्यक्तिगत विवरण फाइल विदा, मासिक कार्ययोजना र कार्य प्रगतिको अभिलेख राख्ने ।
- लेखाको सिद्धान्त अनुसार आर्थिक कारोवारहरुको निस्सा तथा प्रमाणहरु चेकजाच गर्ने तथा प्रक्रिया सम्मत खर्चहरुको भूक्तानी गर्ने ।
- वजेट र खर्चहरुको नियमित अनुगमन सिट तयार गरी पालिका फोकल, फिल्ड संयोजक तथा वास संयोजक । अधिकृतलाई जानकारी गराउने र क्रियाकलाप तथा वजेटको आवश्यक समायोजन गर्ने ।
- त्रैमासिक रुपमा कार्यक्रमको आयव्यय वित्तीय प्रतिबेदन तयार गर्ने, बजेट माग गर्ने र ए.ज.व्य.कार्यक्रमलाई समयसिमा भित्र पठाउने
- पालिका क्लस्टरर कार्यालयको दैनिक प्रशासनिक तथा वन्दोवस्ती सम्वन्धी कार्यहरु गर्ने ।
- कार्यक्रमको जिल्लामा रहेका जिन्सी सामग्रीहरुको अभिलेखिकरण तथा संरक्षण गर्ने ।
- कार्यक्रम संचालनको लागि कर्मचारीले लिएको पेश्की रकम समयमा नै फर्छौट गर्ने गराउने । क्रियाकलापहरु कार्यन्वयनको खर्चमा कार्यक्रमको नम्र्स तथा कार्यविधिको पालना गर्ने गराउने र खर्चको पारदर्शिता, एकरुपता कायम गर्दै सुशासनमा प्रतिबद्ध रहने ।
- वार्षिक रुपमा गरिने लेखा परिक्षणका लागि आवश्यक कागजात तयार गरि हेल्भेटास नेपालमा पठाउने ।
उपभोक्ता समितिसंग सम्वन्धित कार्यहरु
- उपभोक्ता समितिहरुलाइ वाह्य निर्माण सामाग्री खरिद प्रकृयामा सहयोग गर्ने ।
- उपभोक्ता समितिहरुको आम्दानी खर्च खाता, बैक नगदी खाता, जिन्सी खाताहरु नियमानुसार राख्न सहजीकरण गर्ने । साथै यस सम्बन्धि थप जानकारी तथा अभिमुखिकरण फिल्डका अरु कर्मचारीहरलाइ समेत गराउने ।
- योजनाको कार्यान्वयन चरणमा सार्वजनिक सुनुवाइ, समिक्षा तथा लेखा परिक्षण संचालनमा फिल्ड संयोजक, सामुदायिक सहजकर्ता लाइ सहजीकरणमा सहयोग गर्ने ।
- लेखा व्यवस्थापन तालिम र वाह्रय निर्माण सामग्री खरिद तालिममा सहजिकरण गर्ने ।
- कार्यक्रमको नीति अनुसार पालिका,वडा तथा योजनास्तरमा संचालन हुने तालिम तथा गोष्ठिहरुमा हुने खर्चको विल,भरर्पाइ तयारी तथा संकलन लेखाव्यवस्थापनको जिम्मेवारी वहन गर्ने । पालिकाबाट योजनाहरुलाइ दिनु पर्ने म्याचिङ्ग रकमको लागि पालिका आर्थिक प्रशासन शाखासंग समन्वय गरि आवश्यक कागजात तयारीमा उपभोक्ता समितिहरुलाइ सहजीकरण गर्ने ।
- कार्यक्रमको नतिजा हासिल गर्नको लागि आफ्नो सुपरिवेक्षकले तोकेको अन्य कार्य गर्ने,
दरखास्त दिने विधि:
आवेदन र ब्यक्तिगत बिवरण उल्लेखित लिंकमा गई मिति २०७९ माघ २६ गते सम्म दरखास्त दिन सकिनेछ । यसरी दरखास्त दिदा बायोडाटामा सन्दर्भ व्यक्तिहरुको (Reference) नाम, सम्पर्क नम्बर, आफ्नो इमेल र सम्पर्क नं. समावेश गर्नुपर्ने छ । म्याद नाघी आएका निवेदनहरु थप छनौट प्रक्रियामा समावेश गरिने छैनन् र भर्ना समितिले पूर्ण वा आशिंक कुनै पनि आवेदन विना शर्त स्वीकृत गर्ने वा नगर्ने अधिकार आफूमा निहित गर्दछ ।
आवेदन लिङ्क: https://bit.ly/sacnepal
प्रारम्भिक छनौटमा परेका उम्मेदवारहरुलाई मात्र लिखित तथा मौखिक छनौंट प्रक्रियामा समावेश गरिनेछ ।
हेल्भेटास नेपाल र यसका साझेदार संस्थाले सकारात्मक विभेदिकरण नीति अवलम्बन गर्ने भएकोले महिला, दलित, जनजाति, सीमान्तकृत तथा स्थानियलाई प्राथमिकता दिईनेछ ।
थप जानकारीका लागि
समाज जागरण केन्द्र (स्याक) नेपाल
वीरेन्द्रनगर, सुर्खेत
सम्पर्क नं. ०८३ ५२१२८२
Overview
Category | Accounting and Finance, Finance & Administration |
Openings | 1 |
Position Type | Full Time |
Experience | Please check vacancy details. |
Education | Please check vacancy details |
Posted Date | 25 Jan, 2023 |
Apply Before | 09 Feb, 2023 |
City | Birendranagar Surkhet |